電型單野真係好正, 如果我有誠誠嘅 email, 我一定會send隻貓俾佢老人家, 唔該佢成家人唔好好似香港佢地玩哂咁! 你地父子玩野唔該返屋企啦…
我估都唔係好多香港人好喜歡楷楷, 因為大家都輸左好多錢响 8 號仔身上。 投資輸錢其實唔應該賴人, 但係件楷楷當年扮哂IT俊傑咁, 點知買左電型咁多年一無是處, 只係識勁炒人, 賣吓資產, 股價低無可低, 靠"著數" 攪番似樣d , 有d 息派吓, 就以為自己好似修成正果咁款, 想光榮引退, 點知冇d political 聲屎, 激親老爺大人仲死撐, 最後要老豆揾個家臣出嚟解圍 , 點知楷楷極度面懞, 發老脾唔賣, 你話d 小股東點面對佢兩父子呀..
其實平心而論, 件楷楷可說係有d料到 (雖然八卦雜誌係話佢身邊 d 軍師勁, 唔係佢), 靜係死都唔睇佢老豆台戲已經夠堅啦, 但係問題係佢從來冇露兩手攪好間公司 (賣星星電視賺倒錢唔算係識攪公司啩), 為小股東賺番 d 錢 ….依家想鬆人都攪到一鑊泡 …
佢老豆又係攪笑, 以為有錢大哂, 點知將 d 父子情仇揚哂出嚟, 唉! 我呢 d 一早心死嘅小股民, 基本上賣唔賣都唔關我事, 不過就好amazed 而家廿一世紀, 都仲有呢 d 7/80年代嘅豪門恩怨現實版, 無線下年嗰套60集回歸戲真係可以加入呢段 … 待續
沒有留言:
發佈留言