呢個term基本上同香港教育制度劃上等號, 絕對係 negative 嘅形容詞. 其實大家有冇真係見過咩野叫做塡鴨架? 好似係法國最耍家, 一條管隊落去隻鴨個喉嚨度, 係咁灌 d 流質食物落隻鴨個肚度. 係呀, 好殘忍架.
香港嘅教育, 竟然俾一個咁negative, 咁殘忍嘅 term 嚟形容, 都好心"up"吓. 但今日睇倒 Business Week 嘅一篇報導, 即刻要再重新定位「塡鴨式」呢個 term. 個報導係講家陣南韓最潮嘅一種活動, 係叫做 cramming camp 或者 cramming class, 直譯叫做「塡鴨營」. 做咩? 咪就係 d 阿爸阿媽同 d 仔女一齊入 camp, 一鑊過係咁塞 d 考試野入個腦. 呢 d 仲未能勁, 有阿爸阿媽話一個月會用一半收入俾d仔女去 after-school cramming! 嘩, 你仲話塡鴨式教育唔好, 人地 d 仔女响學校俾人塡完再俾錢去塡多幾野至返屋企, 你地免費或者半資助就有得塡仲响度鬼殺咁嘈!
南韓最勁嗰間 cramming school 叫 Megastudy ... 真係mega 架, 年度收入 1 億 (美金呀!), profit 3 千7 百萬, 我地 d 英皇呀, A1呀唔入流啦!!! 不過人地有一大瓣野香港係做唔倒嘅, 就係 online course 喇. 人家南韓咁大, 點樣吓吓去首爾上堂呀, 就係咁, d courses 咪可以 mass production咁掟哂上網, 做一埸show就可以俾幾十萬用, 咪有 economy of scale 囉, margin 咪鬼死咁高囉. 其他野其實就同英皇冇咪唔同, 都係靠 d 明星老師, 同埋捉住 d 阿爸阿媽驚死個仔女冇書讀嘅心態.
其實家陣持續進修呢吓野响香港真係好揾錢. 加上政府有嗰 1 萬蚊補貼, d 所謂嘅學校真係發左茅咁開 course 呢趙你嗰一皮野. 但係 d course 嘅質素真係 .... 小心d 啦. 揾教育錢有幾容易? 前幾日先上完一個 course, 都已經係冇持續進修基金資助嗰隻, 千幾蚊一個course, 但係係咁倚就吸引左成幾百個人去上, 有幾難? 租個場, 揾個有少少名氣嘅 tutor, 做 d 宣傳啦, 攪掂囉. risk 咪頂籠個埸 d 訂金囉. 香港人真係好學!
所以話阿佛老爺真有遠見嘅大師, 佢一早就提倡教育市場化, d demand 咁大, 好嘅有口碑嘅 institutions 一定可以 survive 倒, 仲可以賺大錢添, 咁政府嘅資助又可以少d啦, 有困難嘅家庭咪發學卷囉. 唉, 大好一件事, 又俾d 有私心嘅既得利益者破壞左, 香港真係冇咩希望啦! 三流政客當道! 無知自私市民橫行!
3 則留言:
唉..0個d咁既course應運而生, 根本都冇用。
不過有少諗諗下,填鴨教育唔等於唔好。填鴨起碼日日比功課你做,等你就算唔識唔明都記住佢。d人話外國教育好呀,著重思考, 根本就係廢話啦。外國著重思考即係等於咩都唔理,功課又唔係幾駛你做,做左你就交,唔做你就唔好做。搞到而家我見有d上college既人仲低能過乜。起碼香港人就係有"背野叻"既本事先。
其實你連基本記下野都話記唔到, 仲有咩資格講"著重思考"。而家d香港人(尤其係懶到出汁唔讀書0個班)就成日用"香港填鴨教育唔好"為藉口唔讀書。我覺得如果係要讀,唔會話因為填鴨而讀唔到,係在乎你想唔想讀架姐。
法國最出名既係血鴨，唔係填鴨 :)
劍兄, 你冇錯, 我都冇錯, 其實我應該話係填鴨或者填鵝至啱.
法國人玩"填"呢吓野好耍家架:
鵝肝是法國的頭一道名菜，在法國名菜家族中佔有舉足輕重地位。根據法蘭西最著名的美食百科全書《 Larousse Gastronomipue 》的定義，鵝肝是經過“填鴨式”的餵食法，增胖每隻鵝的體型，一隻鵝每日至少需吃一公斤由麥、玉米、脂肪和鹽組成的混合飼料，才能讓每個鵝肝重達 700 到 900 克﹗
以往吃過的法式鵝肝都生冷粘密，不適合中國人的口味。不像香煎鵝肝，將鵝肝切片煎香，讓鵝肝有著外脆內嫩的口感、柔嫩細致，獨特風味的醬汁襯托了鵝肝的甘香，味香撲鼻，勾起味蕾的無限慾望。
摘自:
http://www.liontravel.com/comm/2Community/report/050906/050906.asp
發佈留言